Oi Ni:tom Lokké Taunam (ঐনিতৰ প্ৰশ্নাৱলী)
Adlad: Mé:bo-ka:bola asing onamém lubisula:ma:dodo, Turbosupé me:nam ma:nyi dém Do:nyi-Pédongé, asi-ésaré, bitpen-sarpen-yémilo kabling réngadé ngatsa:dak. Odo kinsuma:pé nappa:lokkéni: tompé bé lendag, Édémé:oi ni tom émdo.
Adlad: Oi ni: tomlo ba:pi (4) kopé molodé kado, Édébulu, (i) Jé:sang (ii) Lugéng (iii) Légang (iv) Mosed
Adlad: 'Oi de otér sunam ao-ommangé, airu:pé aya:nam, mé:bomsunam taniyé, 'Ni:dé kabné ko:kangém ayang-abola ni:namé, mé:dír-mé:sola du:né taniyém mé: podokupé lujar luyumna lunamé "Tom'dé sé:koimé lutomla lunam agomlok gomníré.
Gomlam
Adlad: (i) Jé:sa:dém dagjun-ge:la mo:tépé du:né mé:namdé. tatpí:dopé émna jela modo.
(ii) Lugé:dé sé koimé luyí:sula modo.
(iii) Léga:dé sé kom mé:tomla: moduji bím ludo..
(iv) Ni tomdém mongabge:la, mobomla ginam ni:tomdak akampé odokké alang kadopé mosedligdo.
Adlad: Aipé mé:la ka:bo-mé:bonammém, gípan-mopan sunamém, gejig-geroné arig-isingém, Pu:mu assé okum-arígém moyudnam agomém, Peyyí: Péttngíé mé:poné adílo asinang okandopé kabnamém Oi Ni:tom ara:lo pa:dag.